أخبار المشاهير

سعد الصغير بعد إنقاذه طفلين من التشرد: الواحد فى ده من كرم ربنا وأتمنى كلنا نساعد بعض

أعرب الفنان سعد الصغير، عن سعادته بالكم الهائل من الرسائل التي حصل عليها بعد إنقاذه طفلين من التشرد على كورنيش الإسكندرية ووعد بتوفير مكان لهما.

وكتب سعد الصغير، عبر حسابه على إنستجرام، قائلا: “رسائل حضرتكم بشوفها والكومنتات بشوفها أعظم حاجة في الدنيا تساعد حد مش قادر كان الواحد ممكن في يوم من الأيام يكون مكان الناس دي وبجد الكلام من كل قلبي وربنا يعلم ما في القلب حابب بس أشكر كل الناس أخواتي وأصحابي إلي دائما بيشجعوني وحضرتكم علي فعل الخير دايمًا وده إلى الناس هتفتكر  مش اكتر مفيش حاجة هتدوم كله هيمشي”.

وتابع: “قولت أصبح عليكم وياريت أي حد يقدر يساعد أى حد غلبان محتاج بجد أو أى حالة يساعد والله والله عن نفسي والواحد في ده من كرم ربنا فقط اتمنا كلنا نحب بعض ونساعد بعض وإلي مش معا يساعد إللي مش معاه صباح الفل علي أحسن وأطيب شعب في العالم”.

وأطلق الفنان سعد الصغير بثا مباشر على صفحته الرسمية بموقع التواصل الاجتماعى فيس بوك، أمس السبت،  خلال قضاء أجازته الصيفية بالإسكندرية بمنطقة الشاطبى، وخلال البث المباشر وأثناء توجهه إلى شاطئ الشاطبى، التقى طفلين مشردين على كورنيش الإسكندرية .

توقف الفنان سعد الصغير ليوقظ الطفلين النائمين ويتعرف على سبب نومهما فى الشارع، فتبين أن الطفلين يحيى ومحمد شقيقين، ضحية التفكك الأسرى فوالدتهما ووالدهما منفصلين وكلا منهما تزوج من شخص أخر، الأم تزوجت من شخص كفيف قال عنه الأطفال أنه كان قاسيا معهما، وتزوج الأب من أخرى وشكا الطفلان من سوء معاملة زوجة الأب لهما وبكى الطفلان من المعاناة بسبب حالة التفكك الأسرى .

اترك تعليقاً

زر الذهاب إلى الأعلى