عودة مستشفي النو بامدرمان لاستقبال المواطنين من المرضي والمصابين

اكد الناشط الاجتماعي احمد اوباما عن عودة مستشفي النو لاستقبال المواطنين بعد ان خرجت المستشفي من الخدمة ليوم واحد لعدم توفر معينات عمل او كوادر طبية وقال اوباما علي صفحته الشخصية علي موقع التواصل الاجتماعي فيسبوك : الحمد لله
بمجهود ناس كتار جدا قدرنا نعمل مبادرة عشان تشتغل مستشفي النو وترجع للخدمة .. معروفة المستشفي بتخدم منطقة الثورات وجزء كبير من الريف الشمالي.المستشفي كان للأسف مافيهو كادر شغال حاليا بعد تواصل مع المدير الطبي للمستشفي وشباب أطباء من الأحياء المجاورة وصلوا المستشفي ورجعت المستشفي تشتغل.
مركز غسيل الكلي بالمستشفي برضو رجع يشتغل بعد يوم واحد فقط توقف بس م بستقبل حالات جديدة. الخطة التشغيلية للمستشفي انو المرحلة الاولي يشتغل من 9 ص لي 5 م يرتفع تدريجي مع توفر الكوادر
الطالبو منكم عليكم الله اي شخص شغال في المجال حابي يتطوع يجي علينا حتي لو شايف انك محتاج ترحيل قريب برضو تعال. المستشفي من ناحية معينات عمل وادوات طبية الموقف حاليا كويس بس المشكلة كادر
أطباء وفني تخدير وممرضين ووصف المستشفي امدرمان الثورة الحارة ٨